"Good morning." Bati ko kay Vaun na bumababa pa lamang sa hagdan.
Halos nakapikit pa ito at tila parang wala pa sa sarili.
Alas kuwatro pa lang kasi ng madaling araw, at talagang napakaaga pa kaya't nakakatamad pang kumilos.
Kaso ay kailangan kong pumasok ng maaga para maunahan ang prof ko sa first subject.
"Anong oras na, Mahal ko?" Tanong ni Vaun habang naghihikab.
Lumapit ito sa akin at niyakap ako mula sa likuran ko habang nag luluto ako ng hotdog at itlog na almusal namin.
"Alas kuwatro pa lang naman. Mahaba pa ang oras natin para mag asikaso."
"Inaantok pa ako." Wika nito at niyuko ang ulo sa balikat ko.
"Edi matulog ka pa. Sabi ko naman kasi sa iyo, ako na lang muna ang papasok mag isa."
"Hindi rin ako makakatulog knowing na ba-biyahe kang mag isa. Magkakape na lang ako pa
