Hera's POV
Natapos na kaming kumain ng dessert.
Aminado akong busog na busog ako sa dami ng kinain namin ngayong at lahat iyon ay talagang masasarap.
At siyempre, Hindi mawawala ang wine at alcoholic drinks sa gabing ito.
Halos lahat kasi sila ay nag iinom at mahilig sa alak. Pwera sa akin.
"Sige na, Hera. Maaari na kayong umalis na dalawa ni Vaun at paniguradong nag aantay na ang inihandang surpresa niya para sa 'yo." Tila masaya at kinikilig na sambit ni Tita Veron.
Napatingin ako kay Vaun na tila nahihiya dahil nabuko ang plano nito.
"Hindi ba kami puwedeng sumama? Gusto kong makita kung ano inihandang surpresa ni Vaun para sa iyo." Pangungulit ni Ate Victoria.
"Hindi puwede, Ate. Moment namin itong dalawa ni Hera. Bawal ang extra, bawal ang paepal." Masungit na sagot ni Vaun r
