"Iyan, 'yan ang dapat na isuot mo. Hindi iyong ganiyang bikini na halos kita na ang lahat ng balat mo sa katawan at halos kita na rin ang kaluluwa mo." Wika ni Vaun at iniabot sa akin ang damit na kinuha niya mula sa maleta niya.
Hindi ko alam kung bakit sa kwarto nila kami dumiretso imbes na sa kwarto namin ni Mama, kung nasaan ang mga gamit at damit ko na nakalagay sa maleta.
Inialis ko ang tuwalyang nakabalot sa mukha ko para makita ang damit na iniabot ni Vaun sa akin.
Itim na jacket at itim rin na jogging pants iyon. Teka, seryoso ba siya diyan? Hindi naman ako mag jo-jogging.
"Huwag ka nang mag reklamo, Hera." Banta nito sa akin kahit wala naman akong ginagawa.
Ni hindi pa nga ako umiimik o nag sasalita. Wala pa nga akong kahit ano na sinasabi laban doon.
"Alam ko na kasi ang m
