Chapter 43
Walang masyadong makita ang makisig na binatang si Wallace dahil na rin sa lakas ng buhos ng ulan ngayon. Gamit ang binoculars ay hindi nito masyado makita ang dalampasigan lalo sa partikular na lugar kung saan niya nakikita si Prinsipe Aariv.
Hindi akalain ni Wallace na masyadong malakas ang buhos ng ulan ngayon. Bigla na lang bumuhos ang malakas na ulan dahilan para hindi siya makapunta sa may dalampasigan.
Gusto ni Wallace na makitang muli si Prinsipe Aariv. Sobrang naghihinayang siya kagabi dahil sayang ang pagkakataon na nagkausap sila ng sireno. Ang dami niyang gustong itanong tungkol sa buhay nito.
Pambirihang pagkakataon lang iyon kay Wallace. Sinasamantala na nga niya ang pagkakataon na makausap at makipagkaibigan kay Prinsipe Aariv. Kung hindi lang sana sumakit
