NARAMDAMAN KO ang pagtama ng sinag ng araw sa mukha ko na siyang gumising sa aking umaga. Dahan-dahan kong iminulat ang mga matang pungay-pungay pa, mayroon ding gaanong hapdi. Nag-unat-unat ako, nakahiga sa isang malambot na higaan at bumangon.
Sariwa ang hangin. Maalinsangan ang umaga at payapa ang paligid. Tilaok ng manok at ang karaniwang ingay sa umaga ang naririnig ko.
Pakiramdam ko, nawala ang sakit ng buong katawan ko kahit pa natulog lang naman ako. Maluwag ang paghinga ko. Normal ang lahat sa akin, bagkus pa nga ay para bang kumpleto akong na-recharge. Ang gandang bungad rin ng umaga dahil maalinsangan at payapa rin.
Ngunit ilang sandali pa, nangunot ang noo ko. Nagtaka ang baga ko at nagulumihanan ang atay ko nang ilibot ang mga mata sa paligid ng kinalalagyan ko. Nagsalubong
