UNANG-UNA SA LAHAT dahil hindi huli, hindi ko alam kung ano ang mararamdaman ko sa sinabi ni Joselo nang sabihing ipinahahanap ako ni Lei dahil nag-aalala ito sa akin. Hindi ba at dapat, paghinalaan niya ako? Sabihin na nating wala siya sa mga oras ng pangyayari, pero kapatid niya si Xian, buhay ni Xian iyon!
Ngunit ang mas pumukaw ng atensiyon ko, ang mas gumulat ng buong pagkatao ko at kaluluwa ko ay nang malaman na umiyak si Lei dahil sa 'kin. Hindi ko alam kung matutuwa ba ako o malulungkot na hindi ko na rin alam.
Wala akong maintindihan. Pinangunahan na naman ako ng emosiyon ko. Masaya dahil sa nag-alala siya sa akin? Malungkot dapat ako dahil baka maging dahilan pa ako ng alitan nila ni Ma'am Loreina? Ayaw ko ng ganoon. Hindi ko ibig masira ang relasyon nila bilang mag-ina. Nakat
