NOONG BAGO pa lang ako rito, siyempre, hindi ko pa tanda ang mga pasikot-sikot sa pasilyo. Paano, ang laki-laki ng mansiyon! Isa ito sa mga kinaiinisan ko dahil bukod sa hindi ako matandain sa pangalan ng mga tao, hindi rin ako matandain sa mga direksiyon o lugar.
Kaya naman, hindi na nakapagtataka na maliligaw talaga ako. Kung saan-saan ako makararating—hanggang lumabas na ako ng Solar System. Dalawa lang iyan, maliligaw ako o hindi na ako makaaalis sa lugar. At iyon ang nangyari sa akin noong gabi na iyon na pabalik na ako ng kuwarto. Hindi ko alam kung paano ako makababalik kaya naisip ko na sa sahig na lang ng pasilyo matulog.
Napakalamig ng sahig. Ang lamig din ng paligid. Tiyak kong magkakasakit ako noon. Wala naman akong magagawa dahil nga hindi ko alam kung paano makabalik sa kuw
