MASAKIT SA LOOB at iyon ang bagay na hindi maikakaila. Siyempre, napamahal na sa akin sina Fernan, Lei, Jester, Xian, at Nanay Flores. Nasasaktan ako na sa pagbabago ng buong mansiyon, nagbago na rin sila. Hindi na sila namamansin, pilit kong iniintindi pero ang lahat ay nauuwi lang sa masakit sa dibdib.
Ang hirap din palang mapamahal sa mga taong nasa paligid mo, ano? Dahil kapag dumating ang panahon na magbago ang lahat, wala kang karapatan na mag-expect.
Isang umaga, habang naghahanda kami ng agahan, nagulat ako dahil lumapit sa akin si Ma'am Loreina. Matamis ang ngiti nito sa akin na tila ba matagal na kaming magkakilala nito. Ngumiti naman ako pabalik at bahagya pang yumuko. Amo ko siya, dapat siyang igalang.
"What's your name again?" tanong bigla nito.
"Marites Ravelo po," mahin
