NATULALA AKO sa babaeng may katandaan na tulad ni Fernan, tingin ko ay forty pataas na rin ang edad. Ang tindig nito, postura, galaw ay humihiyaw ng class, elegance, at royalty. Tila ba nakasisilaw ang babae sa hitsura pa lang. Unang tingin pa lang, malulula ka na dahil sa mga suot na alahas, kasuotan, tindig.
Samantala, hingal na hingal ang matanda at nanlalaki ang mga mata. Hindi ko kilala kung sino ang babae ngunit sapat na itong dahilan para magulat ang matanda, reaksiyon pa lang.
Napadapo naman ang tingin ko kay Lei, Xian, Jester, at Fernan. Isa lamang ang ekspresiyon na isinisigaw ng kanilang mga mukha. GULAT. Sino ba ang babae para maging ganiyan ang kanilang mukha? Na tila ba isang patay ang bumangon sa kaniyang libingan at nagbalik? Lalo si Fernan na halos malaglag ang panga sa
