Pagkauwi sa mansiyon, talagang hinanap ng mga mata ko si Jester. Kailangan naming mag-usap. Kailangan kong makausap agad ang lalaki dahil alam pala ni Lei ang sikreto niya! Alam ni Lei ang itinatago niyang lihim! Na isa siyang sirena—este may anak na pala!
Ngunit pagdating ko sa mansiyon, wala siya. Dagdag pa na hindi ko pa rin alam hanggang ngayon ang kuwarto niya. Sasakit ang ulo ko!
Tiyak na magugulat ang lalaking iyon. Ang mas malala pa rito, kilala ni Lei ang babae!
"Bumili sila ng dog food kasama si Xian," saad ng matanda na tinungo ko sa kaniyang silid. "Baka gabihin iyon dahil gusto ring gumala ni Xian. Alam mo naman ang batang iyon, basta't gustuhin ay susundin ng mga tao sa paligid. Ano ba ang nangyayari at madaling-madali ka?" Napabuntonghininga ako sa matanda.
"Hindi pa ito
