"Magnanakaw ka ba?"
Tumaas ang kilay ko nang sabihin iyon ng lalaki. Ang kapal naman ng mukha nitong pagbintangan ako.
"Mukha ba kong magnanakaw?" Turo ko sa sarili ko.
"Malay ko. Mayroon naman akong nakikitang magandang magnanakaw," aniya at tinuyo ang kamay niya gamit ang hand towel.
"Maganda lang ako pero hindi magnanakaw," sagot ko.
"Hindi ko naman sinabing maganda ka," sabat niya at ang loko binelatan pa ako. Siraulo 'to, ah.
"Ano naman kung hindi mo sinabi? E 'di ako ang magsasabi para sa sarili ko. MAGANDA AKO."
Nag form ng 'o' ang mga labi niya. "Ohh. Lakas ng hangin. May bagyo ata sa Empreso Mansion ngayon! Hindi ako na-inform!"
Napangiwi ako kasi umarte pa siyang parang may bagyo habang nakatingin sa kisame. "Nakakatawa 'yon?"
Ngayon ko lang napansin na nakasuot siya ng
