Nakita ko kung paano saktan ni Tatay ang Nanay ko ng bata pa ako, sa isip ko no'n, hindi ko naman masasapak ang Tatay ko. . . Bukod sa buto't balat lang ako, wala akong matutuluyan dahil siguradong mag aalsa balutan ako pagkatapos kong mangahas.
Kaya, pinangako ko na lang sa sarili ko na hinding hindi ko siya magiging katulad.
Siya 'yong Tatay na dapat hindi iniidolo. Tatay ko siya, pero ayaw kong maging katulad niya.
Nakakaliit ng bayag, nakakabakla. . . Kung kaya mo lang tablahin eh ',yong pwersang pang eva.
Pero. . . Sa sitwasyon ko ngayon, anong pinagkaiba ko sa kanya?
May pinagkaiba pa ba ako kay Tatay sa ginawa ko kay Nadja?
Hindi ko alam kung ano ang gagawin ko, lumabas ako sandali matapos naming mag usap ni Ate Maldi. Hindi ko rin alam kung saan ako dadalhin ng mga paa ko
