SHIFT XXII
"Itigil mo nga 'yan." Basag nito sa katahimikan.
Napatingin ako sa mga kuko kong kanina ko pa pinagki-kiskis at pinaglalaruan. Basang basa ang mga palad ko, hindi ko alam bakit namamawis ang mga 'to.
Halos sampung minuto na ang nakararaan mula ng makarating kami sa dulo ng campo. . . Hindi ko alam bakit dito kami dinala ng mga paa namin.
Hindi gaano napupuntahan ng mga taga rito o ng mga turista ang tagong batis na ito. Sabi dati ni Choy Lioy, maraming nangyari sa batis na 'to. Lalo ng panahon ng mga hapon.
Napabuntong hininga ako at panaka naka siyang ninanakawan ng tingin.
Walang kupas. Walang pinagbago. Natatakot pa rin ako sa mga mata niya. Ang ganda. . . Pero nagigimbal ang puso ko.
Paano ko ba nagawang galitin ang mga matang kahit sa pagpikit ko ay naghahatid ng t
