DAHAN-DAHAN kong iminulat ang mga mata nang maalimpungatan. Unang nabigyan ko ng pansin ay ang matigas na bagay na inuunanan ko ngayon, pero kakaibang komportable pa rin ang ibinibigay nito sa akin. Siguro ay dahil ang matigas na hinihigaan ko ay ang bisig lang naman ng lalaking mahal ko.
"Good morning, baby."
Natuon ang atensiyon ko kay Archer nang marinig ang malambing niyang bating 'yon. Ngayon ko lang napansin na gising na pala siya at pinagmamasdan ako.
"Good morning din," ganting bati ko at ngumiti sa kanya.
Natuon ang mga mata sa akin ni Archer. Titig na titig siya sa mukha ko na tila ba isinasaulo ang bawat detalye nito.
Lumambot ang ekspresiyon ko sa mukha nang dalhin niya ang palad sa aking pisngi. Lumapad ang ngiti ko sa labi nang haplos-haplusin niya ito sa magaan at pinak
