"ITO pa, tingnan mo ang lahat ng mga 'to!" Buong galak na inabot sa akin ni Eyah ang mga hawak niyang paper bag. Malapad akong ngumiti bago tinanggap 'yon.
Inilagay ko sa gilid ang mga hawak bago isa-isang sinilip ang laman nito. Bumakas ang pagkamangha sa mukha ko at inilabas mula sa paper bag isang pink na dress.
"This is so cute!" hindi ko mapigilan na sabi.
"I know right! Ako kaya ang bumili niyan," puno ng pagmamalaking sabi ni Eyah.
"Hindi lang ikaw ang bumili ng regalo para sa baby, meron din kami ni Natalia," singit ni Heather at ang mga hawak naman niyang paper bag ang inabot sa akin. Tinaggap ko 'yon kahit na hindi ko pa tapos tingnan ang lahat ng ibinigay sa akin ni Eyah.
"Here's mine."
Napanganga ako at hindi makapaniwala sa mga kaibigan nang pati si Natalia ay nag-abot n
