"WHAT happened to you?"
Iyon ang salubong sa akin ng mga magulang ko nang makauwi na ako sa bahay. Hindi ako agad naka-imik at tila nanghihinang napaupo sa sofa kung nasaan sila.
Ipinatong ko ang siko sa tuhod at ibinaon ang mukha sa mga palad. Kanina pa nananakit ang ulo ko habang nasa byahe pa lang. Malamang ay dahil sa kaiisip ko at sa pamomoblema.
"Anak, anong nangyari sa 'yo?" pag-uulit ni Mama sa tanong niya.
Inalis ko ang mukha mula sa pagkakasubsob nito sa mga palad at nagtuon ng atensiyon sa kanila ni Papa. Lumambot ang tingin ko sa kanilang dalawa nang may maisip.
Siguro ay dapat ko nang sabihin sa mga magulang ko ang totoong nangyayari sa akin. Dahil sa totoo lang, parang hindi na kakayanin ng damdamin ko. Sobra-sobra na ang sakit at galit na dinadala ko. Kailangan ko nang
