NAGISING si Lucas nang makarinig siya ng sunod-sunod na hikbi. Agad na hinanap ng kaniyang mga mata si Geri. Nakita niya ito sa may paanan ng kama at naka-upo sa sahig habang yakap ang sarili. Namataan niya rin ang apat na lata ng beer na nakatumba sa sahig at wala nang laman.
Bumangon siya sa kama at sinuot ang bower shorts na nakakalat sa sahig. Lumapit siya kay Geri at naupo sa tapat nito.
"What's wrong bakit ka umiiyak?" nag-aalalang tanong niya. Sinapo ng magkabila niyang palad ang mukha nito at pinusan ang masaganang luhang tumutulo sa mga mata nito gamit ang kaniyang mga hintuturo.
Marahas na tinabig ni Geri ang kaniyang mga kamay. Naamoy niya ang ininom nitong alak nang magsalita ito. Halatang lasing na lasing na ito dahil namumula na ang mukha nito at namumungay na rin ang mga
