“SENYORITA MARA, PINATAWAG ka na ng iyong ama. Mananghalian na raw kayo sa baba,” sabi ni Karlo, isa sa mga guwardiya ni Papa Alejandro.
Tiningnan ko si Papa sa iskrin ng telepono at napangiti ako. Marahil ay narinig niya ang pagtawag sa akin ni Karlo.
“Sige na at kumain na kayo ni Tito,” sabi ni Papa.
Napangiti ako. “Sige po, Pa. Salamat sa oras. Ikaw, tapusin mo na rin iyang kinakain mo.”
Nang tumango siya, agad na rin niyang ibinaba ang tawag. Hindi ko mapigilang mapangiti; masaya lang ako nang marinig ko muli ang boses niya.
Itinabi ko ang telepono at agad kumuha ng tali para sa buhok. Inayos ko muna ang sarili ko bago lumabas. Nang sa tingin ko’y presentable na ako, lumabas na ako.
Pagbukas ko pa lang ng pinto, agad bumungad sa akin ang amoy ng ulam na niluto ni Papa. Hindi ko t
