Dalawang araw matapos naming makapag-usap ni Marissa, palagi na kaming naglalaan ng oras sa isa’t isa.
Pinupuntahan niya ako rito sa bahay upang turuan ng tamang paggamit ng baril.
Para na rin naming bonding ang aming ginagawa dahil nagkakausap at nagkakasama kami kasama ang mga bata.
Kung minsan hinihintay pa muna naming umalis sina Carl Wayne at Marco para wala kaming masyadong kailangang ipaliwanag sa dalawa.
Matapos ang ensayo namin para sa araw na ‘to ay maagang umuwi si Marissa upang makapagluto ng paboritong ulam ni Marco.
Anibersaryo nila bilang mag-asawa kung kaya ise-celebrate nila iyon sa kanilang bahay.
‘Di ko na pinaunlakan ang paanyaya ni Marissa na roon maghapunan at ng sa gayon ay magkaroon sila ng oras sa isa't isa.
Mainam nga kung masundan agad ang pamangkin ko
