Pinagmasdan ko ang malaanghel na mukha ng aking asawa na kailanman ay hinding-hindi ko ipagpapalit sa anumang bagay.
‘Di lingid sa aking kaalaman ang pakiusap niya kay Marissa dahil hindi rin naman iyon inilihim sa akin ng isa kung kaya binigyang pahintulot ko.
Alam ko ang kagustuhan niyang matutong humawak ng baril upang makasama sa pakikipaglaban. Ngunit hindi ko rin iyon mapapahintulutan.
Alam ko sa sarili na hindi ko nanaisin dumating ang sandaling mapahamak siya sa mismong harapan ko.
Hinahayaan ko siyang matuto dahil kagaya nang napag-usapan namin ni Marissa, marapat lamang na matuto siya ng sa gayon ay matutunan niyang proteksiyunan ang kaniyang sarili.
Ako mismo ang kusang umaalis ng bahay upang manatili ang lihim na usapan ng dalawa kahit pa nga alam ko naman talaga.
Sinusu
