“Niloloko mo ba ako?” Marahas na itinutok ko ang dulo ng baril na aking hawak kay Marco.
“Hindi! Hindi kita niloloko!” Itinaas pa niya ang dalawang kamay bilang pagpapakumbaba.
“Kung gano’n, nasaan sina Krishna at Marissa!” bulyaw ko dahil tuluyan nang humulagpos ang aking inis sa kaniya.
Nagtungo kami sa lugar na ‘to dahil ang sabi ni Marco ay rito niya iniwan ang dalawang babae bago pumunta sa bahay ni George.
Ngunit kanina pa kami narito at kahit na isang bakas ng anino ng dalawa ay wala man lang akong naaninag dito.
Nakailang ikot na rin kami sa loob ng bahay at kahit na anong bakas na may tao ay wala talaga.
Nakarinig ako ng kaluskos mula sa malayo. Mabilis ang pagkilos kong tinakbo ang lugar saka marahas na dinakip ng isang kamay ko ang lalaking nagtatago.
“Nasaan sina Krish
