Kanina ko pa pinagmamasdan ang aking asawa mula rito sa aming kama. Alam kong dinidibdib pa rin niya ang sitwasyong kinahaharap sa ngayon.
Napabuga ako ng marahas na hininga saka bumaba mula sa ibabaw ng malambot na kutson.
Humakbang ako palapit sa kaniya at saka niyakap ko siya mula sa likurang bahagi ng kaniyang katawan.
“Hindi makabubuti sa kalusugan natin ang labis mong paninigarilyo,” sermon ko sa kaniya sa malambing na tinig.
Alam ko namang nagagawa niya lang manigarilyo dahil sa mabigat ang problemang kaniyang iniisip.
Inilublob niya sa loob ng ashtray ang sigarilyo upang mamatay. Humarap ako sa kaniya upang magtama ang aming mga mata.
“Huwag ka na masyadong mag-alala pa. Alam kong hindi tayo pababayaan ng Panginoon,” saad ko saka kinabig ko siya upang halikan sa kaniyang lab
