Naubusan na ako ng tissue paper dahil sa hindi maampat-ampat ang pagluha mula sa aking mga mata.
Naririto kami ngayon ni Carl Wayne sa sementeryo kung saan nakahimlay ang labi ni Justin at ng kaniyang ama.
Hiniling ko sa asawa na bisitahin ang puntod ng dalawa upang personal na masabi ang labis kong pasasalamat para sa kanila.
Mula noon ay ‘di nila ako pinabayaan kahit pa nga may banta sa kanilang buhay.
Ipinaliwanag na sa akin ni papa ang lahat nang puntahan namin siya matapos ang araw na ipinahayag niya sa media ang tungkol sa kalayaan ni Carl Wayne.
Hindi ako makapaniwala sa lahat ng mga ipinahayag ni papa at labis akong nagulat sa lahat ng impormasyong iyon.
Sa kabila ng mga pangyayari, labis pa rin akong nagpasalamat sa ama dahil sa pang-ilan pagkakataon ay ipinakita na naman
