Panay ang yuko at tili ko sa bawat ingay ng putok ng baril habang akay ko naman si papa papalabas sa lugar na iyon.
Si Carl Wayne naman ay tinatakpan ako ng kaniyang katawan upang iiwas sa mga kalaban na panay rin ang pagpapaputok sa gawi namin.
“Carl Wayne!” sigaw ni Marco na tinamaan ng bala sa kaliwang balikat.
“Marco!” Tatakbuhin ko sana siya ngunit sumenyas ang kaniyang kamay.
“Huwag, Krishna!” Pigil sa’kin nito.
“M-Marco...” nanginginig kong saad.
“Umalis na kayo, Carl Wayne!” sigaw pa nito.
“Sh*t!” malutong na mura ni Carl Wayne.
“Hindi ka namin pwedeng iwanan dito!” sigaw ko kay Marco.
“Kaya ko ang sarili ko. Umalis na kayo!”
“Marco!” sigaw ko sa lalaki nang makitang tinamaan ulit siya ng bala ng baril sa braso.
Napaluhod sa sahig si Marco habang napapangiwing nagp
