TRES'S POV:
MALALIM na ang gabi ngunit hindi pa rin umuuwi si Kuya Uno at nilalamok na rin ako rito sa labas ng aming bahay. Nakaupo lamang ako sa isang bangko habang nakatingin sa madilim na parte ng kalsada at hinihintay ang pag-uwi ni Kuya.
Tulog na rin ang mga nakababata kong kapatid dahil may pasok pa kami bukas samantalang ako ay hindi man lang dinadalaw ng antok.
Nagulat talaga ako sa nangyari kanina kay Kuya Dos at hindi ko agad natandaan ang mukha ng mga sumalakay kay Kuya at tanging kilala ko lang ay ang batang nang-away kay Sais at Quatro.
Ito ang unang beses na maranasan naming dalhin sa hospital ang isa sa amin. Bukod sa lagnat, sakit ng ulo at ubo ay wala na kaming ibang dahilan para pumunta ng hospital.
Humiga na lang ako sa bangko at ginawang unan ang aking braso haban
