HINDI basta naghintay lang kay Rohn sa kuwarto si Diosa. Hindi niya gustong maawa sa sarili. Mas sasama lang ang kanyang pakiramdam. Wala siyang ideya sa mga dahilan ni Rohn para i-reject siya. Palay na nga ang lumalapit sa manok, ewan bakit ayaw pang tumuka ng isang iyon. Kung bakit kasi nag-ring pa ang cell phone kanina. Okay na sana. Nandoon na sila sa moment. Nasindihan na ang apoy—naudlot nga lang!
Kainis na cell phone talaga!
At si Rohn, magulo din. Ramdam niya namang natukso na. Kung makahalik at makahaplos nga wagas pero nagpigil pa talaga? Bakit kaya hindi na lang bumigay? May dagdag problema na naman tuloy siya. Dagdag na naman ang eksenang iyon na manggugulo sa isip niya. Baka maging erotic na ang panaginip ni Diosa sa pagpasok pa lang ng twenty-sixteen!
Bakit kasi inamin pa
