WALANG thirty minutes ay bumalik na sa kusina si Diosa. Si Rohn na inaasahan niyang maabutang kumakain, abala sa pagliligpit. Ipinapasok na nito sa maliit niyang refrigerator ang boxes ng cake at pizza. Ang iba pang pagkain sa mesa ay maayos nang nakatakip. Nahulaan na niyang hindi ito kumain.
"Sa sala na lang tayo," sabi niya nang makitang wala na siyang dapat iligpit. Iinitin na lang niya ang mga pagkain pagdating ng mga pinsan. Mag-uusap muna sila ni Rohn habang okay pa ang pakiramdam niya.
Sumunod ang lalaki sa kanya. In-on niya ang electric fan sa sala. Nauna siyang naupo sa sofa. Umupo naman si Rohn sa tabi niya. Mas naamoy ni Diosa ang bango nito nang umabot sa kanila ang hangin galing sa umiikot na electric fan. Parang nadagdagan ang lakas niya. Gusto talaga niya ang parang citru
