"Ladies and gentlemen, mga kababayan sa buong Pilipinas, once again Skye Komiko and Ruth Chusk for Abot Kamay Ang Langit!"
Hiyawan at tilian ang audience habang ngiting-ngiti kami ni Skye sa kanila habang kumakaway. Kilig na kilig sila sa amin dahil sa katatapos naming pag-promote sa pelikula naming ipapalabas na sa mga sinehan sa susunod na linggo.
Kanina ko pa nga gustong paalisin ang kamay niya sa likuran ko ngunit dahil nasa harap kami ng audience ng noon time show na pinuntahan namin ay tiniis ko na lang na mahawakan niya nang ilang minuto ang isang parte ng katawan ko.
"May isinisigaw yata ang audience," panunukso ng host sa aming dalawa ni Skye.
"Kiss! Kiss! Kiss!"
Pakikisakay naman ng mga manunuod. At ang gagong si Skye, hinila ko papalapit na papalapit sa kanya sabay muling
