BALAK sana ni Keith manatili kina Sylve hanggang kinabukasan para lang makasiguro na talagang maayos na ang pakiramdam nito. Dinala pa nga niya ang laptop para makapagtrabaho siya magdamag sa sala. Kaso maghahanda pa lang sana siya ng dinner tumunog na ang cellphone niya.
Contrary sa image niya, hindi mahilig mamigay ng cellphone number si Keith kaya kabisado niya kung sino lang ang mga taong puwede tumawag sa kaniya. Isang tingin pa lang sa pamilyar na number na nakalagay sa screen alam na niyang si Troy iyon.
Napasulyap si Keith sa sala kung saan nakaupo sina Sylve at Yona. Nakatingin pala sa kaniya ang mag ina. Pinilit niyang ngumiti at itinaas ang cellphone. “Sasagutin ko lang ‘to, ha?” Nang tumango si Sylve saka lang niya inilapit sa tai
