“SYLVE, wake up. Nandito na tayo.”
Disoriented na dahan-dahang dumilat si Sylve, naningkit ang mga mata nang masilaw sa liwanag. Ilang segundo bago niya na-realize na nakaupo siya sa passenger’s seat ng kotse na pamilyar sa kaniya. Anong ginagawa niya roon? Saan nakahinto ang sasakyan na ito?
“Nalayuan ka ba masyado sa biyahe? Sorry, love. I just want to show you something before I leave.”
Natigilan si Sylve nang marinig ang boses na iyon. Bumilis ang t***k ng puso niya nang maramdaman ang pamilyar na kamay na masuyong humahaplos sa kanyang buhok. Dumeretso siya ng upo at dahan-dahang lumingon sa driver’s seat.
Umawang ang bibig ni Sylve nang makita ang lalaking nakaupo sa tabi niya. Si William.
This must be a dream then. Kasi alam niyang sa panaginip na lang niya puwede makita a
