TEN YEARS AGO, kinabahan na si Sylve pagkasabi pa lang sa kaniya ni William na sa Mindanao ang sunod na destino nito. Sa mga panahong iyon, masyadong aktibo ang rebeldeng grupo na Abu Sayyaf. Ilang buwan nga lang bago umalis ang kanyang fiancée, naging laman ng balita ang pagkaka-kidnap ng isang sikat na journalist at ang tv crew nito. Nagbigay ng ransom ang pamilya ng biktima kaya napalaya rin makalipas ang sampung araw. Pero kahit siyang sibilyan, alam na malulupit ang rebeldeng grupo at madalas hindi nakakauwi ng buhay ang mga nadudukot ng mga ito.
Sinabi agad ni Sylve sa fiancée ang worry niya pero niyakap lang siya nito at sinabing, “Kaya nga kami pupunta roon kasi mapanganib sila. Lumalakas sila, Sylve. Kailangan sila mapigilan bago pa lalong maghasik ng kaguluhan. Sino pang pupuks
