NATANGGAP ni Sylve ang tawag ni ate Abby kinabukasan. Tiyempong kahahatid lang niya kay Yona sa school at dapat pupunta siya sa travel agency. Mas malakas na raw kaysa kahapon ang nanay nila at binigyan na ng go signal na makauwi before lunch. Kaya pagkatapos niya tawagan sina Sonia at Stella para ipaalam na hindi siya makakapunta, si Keith naman ang tinawagan niya.
“Nasaan ka? Dadaanan kita para sabay na tayo magpunta sa ospital.”
Hindi na siya nagreklamo at sinabi na lang kung nasaan siya. Ilang minuto lang naghintay si Sylve nang may humintong sasakyan sa tapat niya. Kung hindi pa bumukas ang pinto sa passenger’s seat hindi pa niya malalaman na si Keith na pala iyon.
“Iba ‘to sa gamit mo dati ah,” komento niya nang makasaka
