Pugad Agila
A few weeks later...
"WALA na. Tapos na. Stop na. Malaya na ako. Wala na akong kunsumisyon. Hindi na ako mahihirapan. Bayad na namin ang isa't isa. Wala na akong pakialam sa kanya. Magpakabaliw siya sa mga babae! Magka-tulo man siya, 'la na akong paki!" Halos hindi huminga si Lemuella. Papalakas ang boses niya. Kung ang dalawang pinsan o ang sarili ang pinapaniwala, hindi niya sigurado.
Parang mas ang sarili.
At may obvious bitterness ang banat niya.
Nasa bahay siya ni Diosa nang araw na iyon. Naroon din ang dalawang pinsan—si Macaria na lubog pa rin sa lungkot at ni hindi pa nakakapagsimulang mag-move on at si Diosa na halatang laging may malalim na iniisip.
Si Lemuella naman ay galing Maynila. Umuwi siya na parang nakalunok ng sandamakmak na ampalaya. Bitter na bitter y
