Umihip ang malakas na hangin. Nakakapangaligkig ang hangin na iyon lalo pa at tila bala ng baril na nanonoot hanggang sa kabutuhan. At dahil madilim sa lugar na iyon sa kinaroroonan nilang dalawa ni Jia ay mas nakadagdag pa sa creepy vibes ang hangin na kadaraan lang.
Ilang minuto munang tila masugid na manliligaw ang hangin sa paligid dahil sa paulit-ulit na pagdaan sa kanilang harapan, hanggang sa bumalik ang temperatura sa natural nitong lamig. Naging payapa ulit ang hangin na para bang may pumipigil dito na huwag ulit na mangulit sa kanilang dalawa. Matapos ay naging maayos ulit ang pakiramdam ni Jia.
Bumalik ulit sa normal ang heart rate ng dalaga. At hindi lingid sa kaalaman ni Michael ang bagay na iyon, na para bang konektado ang puso ng dalaga sa kaniya.
Pagkatapos ng ilang m
