KAAALIS LAMANG ni Ellie nang sandaling iyon nang may isang bisitang bumungad kay Eden. Laking pagtataka niya dahil bibisita pa talaga ito ng ganoong oras. Pasado alas kwatro pa lamang kasi ng madaling araw kaya halos mataranta rin siya nang makita ito.
"Jake? A-anong ginagawa mo rito? At saka, ganitong oras talaga?"
Hinayaan niya muna itong makapagpaliwanag. Narinig pa niya ang munting pagbuntong hininga nito. "Naparito ako para sana-- iabot sa'yo 'to." May inaabot ito sa kaniyang sobre. Siyempre, napatanong agad siya sa sarili kung ano ang laman niyon kaya dali-dali niya iyong inabot mula sa palad nito.
Binuksan niya ang sobre sa harapan ni Jake at maluha-luha siya nang makita ang malaking halaga ng pera. "Jake.. hindi ba't masyadong malaki 'to? Ilang araw lang naman akong namasukan
