PAGPASOK pa lang ni Hellmohr sa mismong bahay ni Fevor ay marami na agad na nakita ang binata ng mga pamilyar na mukha. Ang iba ay nakatingin lang sa kaniya at ang iba naman ay mukhang may balak na lapitan siya. Ngunit, hindi na lang niya ‘yon pinansin pa sapagkat tumuloy na agad sila papunta sa may hagdan at tuluyan nang umakyat doon. Gusto niya sanang lingunin si Lila sa may likuran niya pero katulad nang ginagawa niya kanina ay pinipigilan niya lang ang kaniyang sarili.
Naisipan na rin nga ng binata na batiin na lang si Fevor nang happy birthday para makaalis na silang dalawa ni Lila sa party na ‘yon. Mas gugustuhin pa niya na mahawakan at malapitan ang dalaga kesa sa mga business related na ipinunta niya doon. Para sa kaniya ay hindi na mahalaga kung maraming opportunity na nagkalat s
