Chapter 121
“Lakad! Dali!” tinulak niya ako. Itinutok sa akin ang baril. “Alalayan mo siya, Rose. Bilisan mo!”
“Saan?” tanong ko habang hawak ko si Zeke.
"Diyan sa pintuang iyan palabas sa kusina. Doon sa may balon. Doon namin itinago ang bangkay ng mga tauhan mo kasama na nila ang kakambal ko. Huwag na huwag kayong gagawa ng hindi ko magugustuhan."
Sinunod namin ni Zeke ang gusto niya. Panay pa rin ang lingon ko sa kanya habang naglalakad kami. Natatakot pa rin ako na makalabit ni Kai ang gatilyo ng baril. Nakaya na niyang pumatay at kakambal pa niya mismo. Paano pa ako? Paano pa kami ni Zeke? Wala kaming ibang gawin kundi ang sumunod sa lahat ng gusto niya. Kailangan kong mag-ingat at pag-aralan mabuti kung paano namin siya masasalisihan. Nakakaramdam na rin ako ng pagkahilo. Dama ko
