Lysanne's POV
"Uhm, okay na ba tayo? Papansinin mo na ba ako ulit?" Tanong ko sa kanya pagkaupo ko sa tabi niya rito sa may kalakihan naming sofa sa salas.
Galing ako ng kusina namin para kumuha ng maliit na palangganang nilagyan ko ng maligamgam na tubig.
Utos niya eh! Ako 'yong may sakit pero ako 'yong pinapakuha niya ng mga ganito. Amp, gets ko naman... Bahay ko 'to at ako ang may alam kung saan kukuhanin ang mga gamit dito. Hay!
"Okay naman tayo. Kumuha ka na muna ng bimpo sa kwarto mo." Utos niya pa.
"Sige." Tumayo na lang ako ulit para kumuha nun sa kwarto. Pagbalik ko ay naabutan ko siyang nakapikit ang mga mata at sapo-sapo ang noo. "Shaheen? Okay ka lang?"
"Yeah, akin na 'yan." Sabay kuha niya roon sa face towel at nilunod sa maligamgam na tubig sa basin na nakapatong sa
