SHEN
“Masaya ako na okay na ang lahat,” nakangiti na sabi ko sa asawa ko. Nandito kaming dalawa sa guest room. Dahil nga sa alam na nila na mag-asawa kami ay talagang magkasama kami ngayon. Kung kanina ay hindi makalapit ang asawa ko sa akin. Nang malaman na ni Rachel ay para na itong linta na nakadikit sa akin.
“Masyado ka lang nag-iisip na magagalit siya. Mataray lang ang kaibigan mo pero alam ko na siya ang kakampi mo sa lahat ng bagay,” sabi sa akin ng asawa ko.
“Tama ka, masungit lang siya pero mabait talaga ang kaibigan ko. Siya ang tanging kasama ko noon. Ang tagapagtanggol ko sa lahat ng oras.” nakangiti na sabi ko sa kanya.
“Ngayon ay ako naman, wifey. Ako na ang kakampi mo, tayong dalawa ang magkakampi at ipagtatanggol kita,” sabi niya sa akin kaya mas niyakap ko siya.
Kung
