NASA loob ako ng silid. Natapos na ang buong maghapon na gulo-gulo ang utak ko. Kanina ko pa gustong matulog pero ayaw akong dalawin ng antok. Nang biglang may kumatok. Napatayo ako upang alamin kung sino. Si Mr. Lolomo kaya? Si Ate Melay? O si Gracia? Sila lang naman kasi ang madalas mag-utos kahit tapos na ang duty ko.
"Hi babes." Nakangiti at preskong-presko si Evan na naka-sports attire. Nakataas pa ang isang kamay sa hamba ng pintuan na tila pinaghandaan ang pose niya.
Ngumisi ako at humalukipkip. "Ano'ng drama mo, sir?"
"Date tayo babe." Kinindatan niya ako. Hindi gumagalaw sa modelling pose niya.
"Matutulog na 'ko sir, eh." At ipinakita sa kanya ang itsura kong nakaternong pajama.
"Maaga pa ang gabi para matulog." Saka siya dumiretso ng tayo. "And besides, we're going t
