Caia’s POV
"Are you really sure na hindi ka papasok?"
Natawa ako dahil sa kakulitan ni Papa, ilang beses na itong nagtatanong mula kanina pa nang magkaharap kami sa hapag, hanggang ngayon na paalis na ito ay gano'n pa rin.
Gusto ko tuloy mapasapo sa noo.
"Opo, 'Pa. Sure na sure po ako."
Lumapit ito at sinalat ang noo ko. "Wala ka namang lagnat. Himala at gusto mong gamitin ang day off mo. Sure ka na talaga?" ulit na tanong pa rin nito sa dulo, mukhang hindi pa rin naniniwala sa sinabi ko.
Natawa lamang tuloy akong lalo. "Nagyayaya po kasi si Lara na mamasyal ngayon. Since, magkasabay po ang off namin at wala naman po akong gagawin dito sa bahay, naisip ko po na paunlakan na lang siya at mamamasyal po kami," paliwanag at pag-imporma ko.
Wala kasing kasingtindi ang kakulitan ng baba
