Caia’s POV
Masaya dapat ako dahil nakauwi na ako rito sa totoong mundo at mukhang nagawa ko na 'yung tingin namin ni Azul na misyon ko para sa buhay nito. Naging matagumpay naman yata, I guess? Kasi kung hindi, malamang ay naroon pa ako... nakakasama kahit papaano si Azul at nasasaksihan ko sana kung paano ito tuluyang sumaya sa piling ni Sheena.
How I wish kaya kong lubusang maging masaya sa nangyari. How I wish... kaso, sa halip na iyon ay kabaligtaran naman no'n ang nararamdaman ko. Napaka-ironic.
Huminga ako nang malalim.
Sa pagbabalik ko sa mundong kinagisnan ko mula pagkabata ay hindi ko maiwasang manibago ngayon, naninibago ako sa lahat. Nakakatawang isipin sa totoo lang. It's like... para akong alien dito sa totoong mundo. Masyado na kasi akong nasanay roon sa kabilang mundo.
