Caia’s POV
"Huwag na kaya akong sumama pa sa loob? Maiwan na lang kaya ako rito?" paunang suhestiyon ko kay Azul noong tuluyang huminto ang sasakyan nito sa parking ng isang bar.
Nakakainis naman kasi. Bakit dito pa? Akala ko ay sa restaurant na katabi nito kami pupunta.
Napairap ako sa dilim nang ibaling ko sa labas ang tingin ko.
Gusto kong magmaktol.
Sino ba kasi ang ka-date nito ngayon at talagang dito pa sa bar ang napiling lugar upang mag-meet?
Tapos, ni hindi man lang kasi ako nito in-inform na nagkaroon pala ng change of plans, bar pala ang pupuntahan namin.
Patamad na sinipat-sipat ko ang paligid.
Oo, alam ko na hindi naman dahil sa akin kaya kami narito. Pero hindi ko talaga kasi trip ang pumunta sa mga ganitong lugar, e.
Mas okay pa sa akin sa restaurant na lang, doo
