“Mommy, kailan po uuwi si Auntie Daria?” tanong ni Riel na ngayon ay tatlong taong gulan na.
Matatas magsalita ang anak ko at hind siya naging bulol kaya malinaw niyang nasasabi ang nais niyang sabihin.
Dapat ay uuwi na si Daria ng mag-isang taon si Riel pero nagkaroon ng problema kaya hindi siya nakauwi galing taiwan.
Sobrang lungkot nga ng bunso kong kapatid ngunit pinalakas niya na lang ang loob niya sa pamamagitan ng pagsasabi niya ng dapat lang sa kanya dahil mukha siyang pera.
Hindi mukhang pera si Daria. Sadyang mataas lang ang mga pangarap niya na nakuha niya naman dahil masigasig siya at matiyaga.
At saka kung mukhang pera ang nag-iisa kong kapatid ay hindi na siya aalis ng bansa at paninindigan ang pagiging may-bahay ni Matias na siyang bagong halal na Mayor ng aming bayan.
