Malalim akong napabuntong hininga matapos itago ang phone ko sa bulsa. Minessage ko si Arissa na baka tuluyan na akong hindi pumasok buong klase. Sinabi ko na rin sa kanya ang rason kung bakit at nangako na ikukwento ko sa kanya ang buong detalye ng nangyari kaninang madaling araw. Nabanggit ko kasi sa kanya na niligtas ako ni Ridge kaya nandito ako ngayon dahil gusto kong mag-take ng responsibility, pakiramdam ko kasi ay isa ako sa dahilan kung bakit siya nagkasakit.
I mean, noong hawakan niya ang kamay ko para palabasin sa balkonahe ay medyo mainit na ang palad niya. Baka may sinat na siya noon at lumala lang ang pakiramdam dahil sa nangyari.
Tiningnan ko si Ridge na mahimbing na natutulog at kinuha ang towel na inilagay ko sa noo niya para basain ulit iyon at ibalik din matapos mapiga
