CHAPTER 9
Flor
Hindi ako nakatulog nang maayos kagabi. Kahit anong baling ko sa kama, paulit-ulit lang bumabalik sa isip ko ang mga sinabi ni Norwen.
“Huwag kang ma-in love sa akin dahil masasaktan ka lang.”
Parang sirang plaka na hindi ko mapatigil. At bawat ulit ng mga salitang ‘yon ay parang may matalim na kutsilyong tumatama sa dibdib ko.
Pero bakit ba ako nasasaktan? Hindi ba’t simula pa lang alam ko na kung anong klaseng relasyon ang pinasok ko? Kasunduan lang. Walang halong damdamin.
Huminga ako nang malalim at pinilit kong bumangon. Kailangan kong harapin ang araw. Hindi ako pwedeng lamunin ng emosyon dahil lang sa isang lalaking kailanman ay hindi naging akin.
Maaga akong nakarating sa hospital. Gaya ng nakasanayan, sinalubong ako ng mga staff na may ngiti at pagbati. Pero
