PAGKATAPOS na pagkatapos kaming i-dismiss ng professor sa huling klase ko sa umaga ay nagmamadali kong tinungo ang pintuan. Ang usapan namin ni Mattie ay magkikita kami sa university canteen para sa lunch. Dahil maaga kaming na-dismiss, may panahon pa akong magtungo sa classroom ni Mattie.
Makakarinig ka talaga sa akin.
“Jem!”
Marahas akong napalingon sa pinanggalingan ng pamilyar na tinig ni Mattie. Ngiting-ngiti siyang tumakbo palapit sa akin. Mukhang napaaga rin ang dismissal ng klase niya.
“You will not believe what happened to me!” she gushed. Nanlalaki ang kanyang mga mata na kumikinang sa kasiyahan at excitement.
“Hindi ko talaga mapaniwalaan na nawala ka at late na late nang pumasok sa unang klase mo ngayon!” tugon ko. “Paano ka naligaw? Sinabi na kasi na ihahatid na kita! Aka
