Khylle’s Pov:
Detective Joseff tilted his head. “Noong una ay hindi ako sigurado sa hinala ko. Purong hinala lang iyon at hindi ko makitaan ng kaugnayan ang mga hinala ko sa lumalabas sa pag-iimbestigang ginagawa ko.”
Hindi na ako nagulat sa sinabi n’ya. Halata ko naman na noon pa lang ay hati na ang atensyon n’ya at ramdam kong bukod sa pagreresolba sa mga cold cases na naa-assign sa amin ay may iba pa s’yang inaasikaso. Hindi ko nga lang alam na may iba pa s’yang kasong iniimbestigahan.
Tumikhim si Detective Joseff. “Taong 2006 nang huling magparamdam ang killer at hindi na ulit s’ya gumawa ng krimen. Kaya akala ko ay baka namatay na s’ya o kaya naman ay nagkaroon s’ya ng malubhang karamdaman at naratay na lamang s’ya sa higaan…”
“And when the informant came, saka mo lang na-realize
