Khylle’s Pov:
Sumandal muna ako sa upuan bago huminga nang malalim.
Literal na sumama ang pakiramdam ko dahil sa karumal-dumal na mga krimeng kakatapos ko lang basahin. Hindi ko na rin kailangang pilitin ang sarili kong kalimutan ang mga iniisip ko kanina dahil awtomatik na nakalimutan ko ang mga iyon dahil sa compiled murder cases na hawak ko.
Sinapo ko ang ulo at tumayo. Dumiretso ako sa pantry at kumuha ng maiinom. Nang bumalik ako sa lamesa ko ay nakita ko pa ang pagsulyap sa akin ni Detective Joseff pero hindi ko na s’ya pinansin.
Tahimik na tahimik ang buong silid at pawang nasa mga binabasa ang atensyon ng mga lalaki. Tanging si Detective Joseff lang yata ang walang ginagawa, pinaglalaruan lang n’ya ang ballpen sa kamay at pupusta akong hinihintay na lang n’ya kaming matapos s
