Khylle's Pov:
Tulalang nakatingala lang ako sa kisame. Wala namang butiking naglalaro roon pero hindi mawala sa puting kulay niyon ang mga mata ko. Hindi din magulo ang isip ko. Kung tutuusin ay kalmado at payapa ang loob ng ulo ko. Kanina ko pa rin pinipilit mag-isip ngunit wala namang pumapasok sa isip ko.
May tatlong oras na mula nang nakauwi ako rito sa bahay at kanina pa rin ako nakahiga dito sa kama ko. Ilang oras na rin akong nakikipagtitigan sa kisame at hanggang ngayon ay tinatamad pa rin akong kumilos.
Wala sa sariling napabuntong-hininga ako. Kung kanina ay kalmado ang isip ko, ngayon naman ay nagsisimula nang magpaunahan papasok sa isip ko ang mga ideyang hindi ko akalaing gugulo sa akin.
Muli akong napabuntong-hininga, pagkatapos ng pekeng consultation ko kay Doctor Ibañ
